 |
|---|
 |
പ്രസ്റിലീസ്/ വാര്ത്തകള് |
|
ഹാജിമാര്ക്ക് സൌജന്യ താമസ സൌകര്യമൊരുക്കുന്നു(15.9.2009) കോഴിക്കോട്: കേരള ഹജ്ജ് കമ്മിറ്റി മുഖേന ഈ വര്ഷം ഹജ്ജിന് പോവാന് തെരെഞ്ഞെടുക്കപ്പെട്ടിട്ടുള്ള, സാമ്പത്തികമായി പിന്നാക്കം നില്ക്കുന്ന ഏതാനും പേര്ക്ക് മക്കയില് സൌജന്യ താമസം സൌകര്യം ഏര്പ്പെടുത്താന് സാധിച്ചിട്ടുണ്ടെന്ന് ജമാഅത്തെ ഇസ്ലാമി ഹജ്ജ് സെല് സെക്രട്ടറി ജലീല് മങ്കരത്തൊടി അറിയിച്ചു. ജാവേദിന്റെ കൊലപാതകം: കേരളാ സര്ക്കാര് ഇടപെടണം കോഴിക്കോട്: ഭീകരവാദിയെന്നാരോപിച്ച് മലയാളിയായ ജാവേദ് എന്ന പ്രാണേഷ് കുമാറിനെ ഗുജറാത്ത് സര്ക്കാറിന്റെ ഔദ്യോഗിക ഏജന്സി തന്നെ ബോധപൂര്വം വെടിവെച്ചുകൊന്നത് വ്യക്തമായി തെളിഞ്ഞ പശ്ചാത്തലത്തില് വിഷയത്തില് കേരളാ സര്ക്കാര് ഗൌരവമായി ഇടപെടണമെന്ന് ജമാഅത്തെ ഇസ്ലാമി സംസ്ഥാന സെക്രട്ടറിയറ്റ് ആവശ്യപ്പെട്ടു. ഈ വിഷയത്തില് മനുഷ്യന്റെ വേദനകള് പരിഹരിക്കാത്ത മതം മതമല്ല (30.8.2009)
കാഞ്ഞിരപ്പള്ളി: വര്ത്തമാനകാല സമൂഹത്തിലെ വൈകൃതങ്ങളും മതത്തിന്റെ പേരിലെ ജീര്ണതകളും തിരിച്ചറിഞ്ഞുകൊണ്ടുള്ള സാമൂഹിക പ്രവര്ത്തനമാണ് ഇസ്ലാം മുന്നോട്ടു വെക്കുന്നതെന്ന് ജ.ഇ അഖിലേന്ത്യാ അസി. അമീര് പ്രഫ. കെ.എ സിദ്ദീഖ് ഹസന് അഭിപ്രായപ്പെട്ടു. കാഞ്ഞിരപ്പള്ളി ഇസ്ലാമിക് സെന്റര് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മനുഷ്യന്റെ വേദനകള്ക്കു പരിഹാരം കാണാത്ത മതം മതമല്ലെന്നും മനുഷ്യ സമത്വത്തിന്റെ പാഠം ഉള്ക്കൊള്ളാന് കഴിഞ്ഞില്ലെങ്കില് ഇസ്ലാമും ഇസ്ലാമിക് സെന്ററും അര്ഥശൂന്യമാണെന്നും അദ്ദേഹം ഓര്മപ്പെടുത്തി. സ്കോളര്ഷിപ്പ് അപേക്ഷ ക്ഷണിച്ചു (27.8.2009) ജമാഅത്തെ ഇസ്ലാമി കേരള ഹല്ഖ സ്കോളര്ഷിപ്പ് സ്കീമിലേക്ക് യോഗ്യരായ വിദ്യാര്ഥികളില് നിന്നും അപേക്ഷ ക്ഷണിക്കുന്നു. ജനറല് സ്കോളര്ഷിപ്പ്, വായ്പാ സ്കോളര്ഷിപ്പ്, ഗവേഷകര്ക്കുള്ള എന്ഡോവ്മെന്റ് സ്കീം എന്നീ വിവിധ സ്കീമുകളിലേക്കാണ് അപേക്ഷ ക്ഷണിക്കുന്നത്. നിശ്ചിത ഫോറത്തിലാണ് അപേക്ഷ അയക്കേണ്ടത്.
ആതുര സേവനത്തിന്റെ അഞ്ചാം വര്ഷം(8.8.2009) സേവനത്തിന്റെയും ആതുര ശുശ്രൂഷയുടെയും ധന്യമായ അഞ്ചാം വര്ഷത്തിലേക്ക് കടക്കുകയാണ് കോഴിക്കോട് മെഡിക്കല് കോളേജ് കേന്ദ്രീകരിച്ച് പ്രവര്ത്തിക്കുന്ന കനിവ്. കോഴിക്കോട് മെഡിക്കല് കോളേജ് ആശുപത്രി സന്ദര്ശിക്കുന്ന ആര്ക്കും ഇത്തരമൊരു സന്നദ്ധ സംഘടനയുടെ ആവശ്യകത ബോധ്യപ്പെടാതിരിക്കില്ല. മലബാറിലെ ഏറ്റവും ദരിദ്രരും നിരാലംബരുമായ രോഗികളുടെ അവസാനത്തെ അത്താണിയാണ് ഈ ആശുപത്രി. കോഴിക്കോട്, മലപ്പുറം, കണ്ണൂര്, വയനാട്, പാലക്കാട് ജില്ലകളില്നിന്ന് മാത്രമല്ല, ഗൂഡല്ലൂര്, കുടക് എന്നിവിടങ്ങളില്നിന്നും രോഗികള് ധാരാളമായി ഇവിടെ എത്തുന്നു. ഉടുതുണിക്ക് മറുതുണിയില്ലാത്തവരും ചികിത്സക്ക് കിടപ്പാടം വരെ വിറ്റവരും പണയപ്പെടുത്തിയവരുമൊക്കെയാണ് ഇവരില് ഭൂരിപക്ഷവും. ഇവരില് അടിയന്തര സഹായം അര്ഹിക്കുന്നവര്ക്ക് സാധ്യമാവുന്ന സേവനങ്ങള് ചെയ്യുക എന്ന ലക്ഷ്യത്തോടെയാണ് കനിവിന് രൂപം നല്കിയിരിക്കുന്നത്. വ്യക്തി നിയമം. കോഴിക്കോട്: തത്ത്വദീക്ഷയില്ലാത്തതും ഇസ്ലാമിക ശരീഅത്തിന് വിരുദ്ധവുമായ വിവാഹ മോചനങ്ങള് കാരണം കഷ്ടപ്പെടുന്ന സ്ത്രീകളുടേയും കുട്ടികളുടേയും പ്രശ്നങ്ങള് പഠിക്കാനും പരിഹാരം കാണാനും മുസ്ലിം സമുദായ നേതൃത്വം ജാഗ്രത പുലര്ത്തണമെന്ന് ജസ്റിസ് ഹാറൂണ് അല് റഷീദ് അഭിപ്രായപ്പെട്ടു. മുസ്ലിം പണ്ഡിതന്മാരെയും നിയമ വിദഗ്ദരെയും പങ്കെടുപ്പിച്ചുകൊണ്ട് അഭിഭാഷകരുടെ സംഘടനയായ ജസ്ററീഷ്യ കോഴിക്കോട് അസ്മാ ടവറില് 'വിവാഹമോചനം- മുഹമ്മദന് ലോ-യിലും ശരീഅത്തിലും' എന്ന വിഷയത്തില് സംഘടിപ്പിച്ച ചര്ച്ച ഉദ്ഘാടനം ചെയ്യുകയായിരുന്നു അദ്ദേഹം. ഒട്ടുമിക്ക മുസ്ലിം രാജ്യങ്ങളിലും വിവാഹമോചനത്തിന് കടുത്ത നിയന്ത്രണങ്ങളുണ്ട്. ഇന്ത്യയില് മുസ്ലിം വ്യക്തിനിയമത്തിന് വ്യക്തമായ ഒരു നിയമാവലി ഇല്ലാത്തതിനാല് നിയന്ത്രണങ്ങള് ഏര്പ്പെടുത്താന് കഴിയുന്നില്ല. മുസ്ലിം സമുദായം താല്പ്പര്യമെടുക്കാത്തത്കൊണ്ടാണ് നിയമാവലി ഇല്ലാതെ പോവുന്നത്. സമുദായം താല്പര്യമെടുത്താല് പാര്ലമെന്റില് കോഡ് പാസാക്കിയെടുക്കാനും നിയമം നിര്മ്മിക്കാനും കഴിയും. ഈ കോഡ് ശരീഅത്ത് വിരുദ്ധമായിപ്പോവുമോ എന്ന ആശങ്കക്ക് അടിസ്ഥാനമില്ല. കാരണം മുസ്ലിം പണ്ഡിതന്മാര് കൂടിയാലോചിച്ചാണ് കോഡ് തയ്യാറാക്കുക. ശരീഅത്ത് വിരുദ്ധമായ വകുപ്പുകളോ പരാമര്ശങ്ങളോ ഉണ്ടെങ്കില് അത് ഭേദഗതി ചെയ്യിക്കാനും പണ്ഡിതന്മാര്ക്ക് കഴിയും. മുസ്ലിം സമുദായത്തിന് നേതൃത്വം നല്കാനോ മാര്ഗ്ഗദര്ശനം നല്കാനോ ആളില്ല എന്നതാണ് യഥാര്ത്ഥ പ്രശ്നമെന്ന് ഹാറൂണ് അല് റഷീദ് ചൂണ്ടിക്കാട്ടി. മറ്റു സമുദായങ്ങളില് താഴെക്കിടയില്വരെ നേതൃത്വവും പ്രശ്നങ്ങള് പരിഹരിക്കാവുന്ന സംവിധാനവുമുണ്ട്. അത് ഇല്ലാതെ പോയതാണ് ചെറുപ്പക്കാര്ക്കിടയില് കുറ്റകൃത്യങ്ങള് വര്ധിക്കാന് കാരണം. വിവാഹമോചനം പോലുള്ള കാര്യങ്ങളില് ഖുര്ആന് ഉയര്ത്തിപ്പിടിക്കുന്ന നീതിയാണ് ഒന്നാമതായി പരിഗണിക്കേണ്ടത്. കുടുംബബന്ധങ്ങള് തകരാന് അനുവദിക്കാതെ പണ്ഡിതന്മാരും മഹല്ല് നേതൃത്വവും ക്രിയാത്മകമായി ഇടപെടണം. വിവാഹമോചനത്തിന് വ്യക്തമായ വ്യവസ്ഥകളും ഖുര്ആന് മുമ്പോട്ട് വെച്ചിട്ടുണ്ട്. ആ വ്യവസ്ഥകള് പാലിക്കുന്നുണ്ടോ എന്ന് നേതൃത്വം ഉറപ്പ് വരുത്തണം എന്നും അദ്ദേഹം കൂട്ടിച്ചേര്ത്തു. മധ്യമപാതയില് നിലകൊള്ളുക-ശൈഖ് അഹ്മദ് കുട്ടി കോഴിക്കോട്: ചരിത്രത്തിലെന്നും മധ്യമപാത ഉയര്ത്തിപ്പിടിച്ച ദര്ശനമാണ് ഇസ്ലാം എന്ന് ടൊറണ്ടോ ഇസ്ലാമിക് അസോസിയേഷന് ഡയറക്ടരും ലോകപ്രശസ്ത പണ്ഡിതനുമായ ശൈഖ് വി.പി അഹ്മദ് കുട്ടി അഭിപ്രായപ്പെട്ടു. എല്ലാ തരത്തിലുള്ള അതിവാദങ്ങളെയും ഇസ്ലാം നിരാകരിച്ചിട്ടുണ്ട്. ബഹുസ്വര സമൂഹത്തിന്റെ സാധ്യതകളെയും പരിമിതികളെയും മറന്നുകൊണ്ട് ഇസ്ലാമിന്റെ ആവിഷ്കാരം സാധ്യമാവില്ല-അദ്ദേഹം പറഞ്ഞു. കോഴിക്കോട് ഹിറാ സെന്ററില് നല്കിയ സ്വീകരണത്തില് സംസാരിക്കുകയാരിരുന്നു അദ്ദേഹം. സലഫി തീവ്രവാദവും രാഷ്ട്രീയ തീവ്രവാദവും സൂഫി അതിവാദങ്ങളും ഇസ്ലാമിന് ഏല്പിക്കുന്ന പരിക്കുകളെക്കുറിച്ചും അദ്ദേഹം സംസാരിച്ചു. അലിഗഢ്: സര്ക്കാര് നടപടികള് ത്വരിതപ്പെടുത്തണം(23.7.2009)
സര്ക്കാര് തീരുമാനിച്ച പെരിന്തല്മണ്ണ, ചേലാമല ഭൂമിയുടെ ഉടമകള് നിയമ നടപടികളുമായി മുന്നോട്ട് പോകുകയാണ്. ഇത് ഭൂമി ഏറ്റെടുക്കല് നടപടി വൈകിക്കും. എന്നാല് തടസ്സങ്ങളില്ലാതെ വേഗത്തില് കൈമാറാന് സാധിക്കുന്ന ഭൂമി മലപ്പുറത്ത് സര്ക്കാര് ഉടമസ്ഥതയിലുണ്ട്. ബജറ്റില് തുക പാസായിരിക്കെ ഭൂമി ഏറ്റെടുക്കുന്നതിന്റെ കാലവിളംബം മൂലം പദ്ധതി നഷ്ടപ്പെടുന്നത് കേരളത്തിന് പൊതുവെയും മലബാറിന് വലിയ ആഘാതവുമായിരിക്കുമെന്നും സംഘം മന്ത്രിമാരോട് ഉന്നയിച്ചു. നാലുമാസത്തിനുള്ളില് ഭൂമി ഏറ്റെടുക്കല് നടപടി പൂര്ത്തീകരിക്കാന് കഴിയുമെന്ന് റവന്യു മന്ത്രി കെ.പി. രാജേന്ദ്രന് ഉറപ്പ് നല്കി. ഉദ്യോഗതലത്തിലും മന്ത്രിതലത്തിലും മോണിറ്ററിംഗ് സെല് രൂപവത്കരിച്ച് നടപടികള് ആരംഭിച്ചിരിക്കുന്നുവെന്ന് വിദ്യാഭ്യാസമന്ത്രി എം.എ. ബേബി അറിയിച്ചു. മന്ത്രിമാര്ക്ക് പുറമെ പ്രതിപക്ഷനേതാവ് ഉമ്മന്ചാണ്ടിയെയും സംഘം സന്ദര്ശിച്ചു. ജമാഅത്തെ ഇസ്ലാമി പൊളിറ്റിക്കല് സെക്രട്ടറി ഹമീദ് വാണിമേല്, സോളിഡാരിറ്റി സംസ്ഥാന സെക്രട്ടറി പി.ഐ. നൌഷാദ്, ജമാഅത്തെ ഇസ്ലാമി സംസ്ഥാന ശൂറ അംഗം എച്ച്. ഷഹീര് മൌലവി, മലപ്പുറം ജില്ലാ പ്രസിഡന്റ് പ്രൊഫ. പി. ഇസ്മാഈല്, സോളിഡാരിറ്റി മലപ്പുറം സെക്രട്ടറി മുഖീമുദ്ദീന്, മെഹബൂബ് എന്നിവര് സംഘത്തിലുണ്ടായിരുന്നു. സുറയ്യയുടെ മതംമാറ്റം ഗാഢചിന്തയില് നിന്ന് ഉയിര് കൊണ്ട ജീവിതമാറ്റം: കൃഷ്ണയ്യര് (21.7.2009) കൊച്ചി: മലയാള സാഹിത്യത്തിലെ അനശ്വര നക്ഷത്രമായ കമലാ സുറയ്യയുടെ ധന്യജീവിതത്തിന്റെ അവസാന നാളുകള് ആവിഷ്കരിച്ച 'കമലാ സുറയ്യ സഫലമായ സ്നേഹാന്വേഷണം' എന്ന കൃതി പ്രൌഢ സദസ്സിനെ സാക്ഷി യാക്കി ജസ്റ്റിസ് വി.ആര്. കൃഷ്ണയ്യര് പ്രകാശനം ചെയ്തു. എറണാകുളത്തെ കൃഷ്ണയ്യരുടെ വസതിയായ സദ്ഗമയയിലായിരുന്നു ചടങ്ങ്. കമലാസുറയ്യയുടെ മതംമാറ്റം 30 വര്ഷത്തെ ഗാഢമായ ചിന്തയില് നിന്ന് ഉയിര്കൊണ്ട ജീവിത മാറ്റമായിരുന്നു എന്ന് പുസ്തകം പ്രകാശനം ചെയ്ത് കൃഷ്ണയ്യര് പറഞ്ഞു. മതം ഏതായാലും മനുഷ്യന് നന്നായാല് മതി എന്ന ശ്രീനാരായണ ഗുരുവിന്റെ സന്ദേശം കമലയുടെ ജീവിതത്തില് നിന്ന് കണ്ടുപഠിക്കാന് കഴിയുമെന്നും അദ്ദേഹം കൂട്ടിച്ചേര്ത്തു. ഇന്ന് മനുഷ്യന് ദൈവത്തെ കാണുന്നത് അമ്പലത്തിലും പള്ളികളിലും പോകുമ്പോള് മാത്രമാണ്. ദേവാലയങ്ങളില് നിന്ന് പുറത്തുവന്നാല് അവന്റെ ജീവിതത്തില് ദൈെവിക ചൈതന്യം കാണുന്നില്ല. യഥാര്ഥ മുസ്ലിമായിരുന്നു കമലാ സുറയ്യ എന്ന് പുസ്തകം നമുക്ക് പറഞ്ഞുതരുന്നു. അല്ലാഹുവില് വിശ്വസിച്ചാല് മാത്രമേ സ്വര്ഗത്തില് പോകാന് സാധിക്കൂ എന്നും സ്നേഹവും സ്വര്ഗവും നേടാന് അതാണ് വഴിയെന്നും ആത്മാര്ഥമായി വിശ്വസിച്ചാണ് അവര് മതം മാറിയത്. ഇത്രയും വിശുദ്ധിയുള്ള സ്ത്രീയെ നമുക്ക് ലഭിച്ചത് ഭാഗ്യമാണ്. എന്നാല്, അവര് ഏറെ തെറ്റിദ്ധരിക്കപ്പെട്ടു വെന്നും കൃഷ്ണയ്യര് ചൂണ്ടിക്കാട്ടി. കമലാ സുറയ്യയുടെ ജീവിതത്തിന്റെ അവസാന നാളുകളുടെ യഥാര്ഥ ചിത്രം വരച്ചു കാട്ടുന്നതാണ് രചനയെന്ന് പുസ്തകം ഏറ്റുവാങ്ങി പ്രൊഫ. എം.കെ. സാനു പറഞ്ഞു. സത്യസന്ധതയുടെയും ആത്മാര്ഥതയുടെയും സ്പന്ദനം രചനയില് പ്രകടമാണ്. മനുഷ്യര് സൃഷ്ടിച്ച സാങ്കല്പിക മതിലുകള് ശ്രദ്ധിക്കരുതെന്ന് അമ്മ പഠിപ്പിച്ചതായി കമലാ സുറയ്യയുടെ മകന് എം.ഡി. നാലപ്പാട് പറഞ്ഞു. ഇസ്ലാമില് സ്നേഹവും സമഭാവനയും കരുണയും സഹിഷ്ണുതയും ദര്ശിച്ചതിനാലാണ് അമ്മ അതിനെ സ്വീകരിച്ചത്. ബിന് ലാദിന്റെ ഇസ്ലാമിനെയല്ല,യഥാര്ഥ ഇസ്ലാമിനെയാണ് അമ്മ മനസ്സിലാക്കിയതെന്നും നാലപ്പാട് കൂട്ടിച്ചേര്ത്തു. മതം മാറുന്നതിന് വളരെ മുമ്പുതന്നെ താനടക്കമുള്ളവരുമായി ഖുര്ആന് വചനങ്ങള് കമലാ സുറയ്യ ചര്ച്ച ചെയ്തിരുന്നുവെന്ന് ഡോ. സി.കെ. രാമചന്ദ്രന് പറഞ്ഞു. താരതമ്യം ചെയ്തും ഉള്ക്കൊണ്ടുമാണ് അവര് മതം മാറിയത്. സ്നേഹം കോരിത്തരുമ്പോഴും തിരികെ സ്നേഹം ആഗ്രഹിച്ച കമല അതിനുവേണ്ടിയാണ് ഇസ്ലാമിലേക്ക് മാറിയതെന്ന് പ്രമുഖ പത്രപ്രവര്ത്തക ലീലാമേനോന് പറഞ്ഞു. കമലാ സുറയ്യക്ക് സമൂഹം ഇന്ന് നല്കുന്ന സ്നേഹം നേരത്തേ കൊടുത്തിരുന്നെങ്കില് അവര് കേരളം വിട്ടുപോവില്ലായിരുന്നുവെന്ന് പാര്വതി പവനന് അഭിപ്രായപ്പെട്ടു. കേരളം വിട്ടുപോയിരുന്നില്ലെങ്കില് കമല കുറെക്കാലം കൂടി ജീവിക്കുമായിരുന്നുവെന്ന് പ്രമുഖ പത്രപ്രവര്ത്തകന് കെ.എം. റോയ് പറഞ്ഞു. ബഹുസ്വര സമൂഹത്തില് ജീവിതത്തിലൂടെയും മരണത്തിലൂടെയും മഹിതമായ സന്ദേശമാണ് കമലാ സുറയ്യ നല്കിയതെന്ന് പുസ്തകം സമര്പ്പിച്ച് ഗ്രന്ഥകാരന് ശൈഖ് മുഹമ്മദ് കാരകുന്ന് പറഞ്ഞു. ശിശുസഹജമായ ജീവിത വിശുദ്ധിയും കടലുപോലെ അതിരുകളില്ലാത്ത സ്നേഹവുമായിരുന്നു അവരുടെ മുഖമുദ്ര. ജമാഅത്തെ ഇസ്ലാമി മുസ്ലിം സമൂഹത്തിന് ആത്മവിശ്വാസം തിരുവനന്തപുരം: പൊതുസമൂഹത്തില് ക്രിയാത്മക ഇടപെടല് നടത്താന് മുസ്ലിം സമൂഹത്തിന് ആത്മവിശ്വാസം നല്കിയ പ്രസ്ഥാനമാണ് ജമാഅത്തെ ഇസ്ലാമിയെന്ന് കേരള അമീര് ടി.ആരിഫലി. ജമാഅത്തെ ഇസ്ലാമി തിരുവനന്തപുരം മേഖലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കമ്യൂണിസം ലോകത്ത് ഉയര്ത്തിയ വെല്ലുവിളികളെയും യുക്തിവാദം ഉന്നയിച്ച ആശയങ്ങളെയും ഇസ്ലാമികാശയങ്ങള്കൊണ്ട് ശക്തമായി നേരിട്ടത് ജമാഅത്തെ ഇസ്ലാമിയായിരുന്നു. സ്വാതന്ത്യ്രത്തിന് ശേഷവും മുമ്പും സമൂഹത്തിന് കൃത്യമായ മാര്ഗദര്ശനം നല്കുന്നതില് ജമാഅത്തെ ഇസ്ലാമിയുടെ പങ്ക് വലുതാണ്. ഒരു ലക്ഷത്തിലധികം സ്ത്രീകളെ പങ്കെടുപ്പിച്ച് അടുത്തവര്ഷം ജനുവരിയില് വനിതാ സമ്മേളനം നടത്തുമെന്ന് അദ്ദേഹം അറിയിച്ചു. സംസ്ഥാന സമിതിഅംഗങ്ങളായ സാദിഖ് മൌലവി, ടി.കെ. ഫാറൂഖ്, വനിതാ വിഭാഗം സംസ്ഥാന സമിതിയംഗം ഇ.സി.ആയിശ, സോളിഡാരിറ്റി സംസ്ഥാന സമിതിയംഗം ടി. മുഹമ്മദ്, എസ്.ഐ.ഒ സംസ്ഥാന ജനറല് സെക്രട്ടറി എസ്.ഇര്ഷാദ്, ജി.ഐ.ഒ സംസ്ഥാന സമിതിയംഗം ഖന്സാ, ജമാഅത്തെ ഇസ്ലാമി ജില്ലാ പ്രസിഡന്റ് എ.എസ്.നൂറുദ്ദീന്, സെക്രട്ടറി എസ്.അമീന് തുടങ്ങിയവര് പങ്കെടുത്തു. എ.ഐ.സി.എല് വിപുലീകരിക്കും: ടി ആരിഫലി (19.7.2009)
ശരീഅത്ത് നിയമങ്ങള്ക്കനുസൃതമായ സാമ്പത്തിക സ്ഥാപനം പ്രായോഗികമാണെന്ന് ഏഴുവര്ഷത്തെ വിജയകരമായ പ്രവര്ത്തനത്തിലൂടെ തെളിയിച്ച എ.ഐ.സി.എല്ലിന്റെ പ്രവര്ത്തനങ്ങള് അവലോകനം ചെയ്യുന്നതിനും വിപുലീകരണ സാധ്യതകള് ചര്ച്ചചെയ്യുന്നതിനും സംഘടിപ്പിച്ച സെമിനാറില് സംസാരിക്കുകയായിരുന്നു അദ്ദേഹം. ശരീഅത്ത് നിയമങ്ങള്ക്കനുസരിച്ച് പ്രവര്ത്തിക്കുന്ന സ്ഥാപനങ്ങള്ക്ക് സ്വീകാര്യത വര്ധിച്ചുകൊണ്ടിരിക്കുന്ന ഇന്ത്യയില്, എ.ഐ.സി.എല്ലിനെ രാജ്യത്തെ ഒന്നാംനിര സാമ്പത്തികസംരംഭമായി ഉയര്ത്തുകയാണ് ലക്ഷ്യം. ഇതിനായി കൂടുതല് നിക്ഷേപങ്ങള് സ്വീകരിച്ച് പുതിയ മേഖലകളിലേക്ക് കടക്കും. വിപുലീകരണത്തിന്റെ ആദ്യപടിയായി റിയല് എസ്റ്റേറ്റ് ഡവലപ്മെന്റ് രംഗത്ത് പ്രവര്ത്തിക്കുന്നതിന് സബ്സിഡിയറി കമ്പനി എ.ഐ.സി.എല്ലിനു കീഴില് പ്രവര്ത്തനമാരംഭിച്ചു. ഇതിനായി എ.ഐ.സി.എല് നിക്ഷേപ സമാഹരണം നടത്താന് തീരുമാനിച്ചതായും അദ്ദേഹം പറഞ്ഞു.കമ്പനി സി.ഇ.ഒ കെ.കെ. അലി പ്രവര്ത്തന റിപ്പോര്ട്ട് അവതരിപ്പിച്ചു. ചെയര്മാന് എ. മുഹമ്മദലി, മാനേജിംഗ് ഡയറക്ടര് ഡോ. പി.സി. അന്വര്, ഡോ. ശഹീദ് റംസാന്, പി.കെ. അബ്ദുറസാഖ്, എം.എ. മഹ്ബൂബ്, പ്രൊഫ. യഅ്ഖൂബ്, വി.കെ. അലി, എം. അബ്ദുല് മജീദ്, മുഹമ്മദ് പാലത്ത്, വി.എന്.കെ. അഹമ്മദ്, ഡോ. അഹമ്മദ് ബാവപ്പ എന്നിവര് സംസാരിച്ചു. അലീഗഢ് കാമ്പസിന് ഭൂമി ഉടന് കൈമാറണം: ജമാഅത്തെ ഇസ്ലാമി (8.7.2009) കോഴിക്കോട്: അലീഗഢ് സര്വകലാശാലയുടെ മലപ്പുറം കാമ്പസിന് കേന്ദ്രബജറ്റില് സംഖ്യ വകയിരുത്തിയിരിക്കെ സ്ഥലമെടുപ്പ് പൂര്ത്തീകരിച്ച് ഭൂമി ഉടന് യൂനിവേഴ്സിറ്റിക്ക് കൈമാറണമെന്ന് ജമാഅത്തെ ഇസ്ലാമി സംസ്ഥാന സെക്രട്ടേറിയറ്റ് കേരള സര്ക്കാറിനോട് ആവശ്യപ്പെട്ടു. വിദ്യാഭ്യാസരംഗത്ത് മലബാര് മേഖല അനുഭവിക്കുന്ന കടുത്ത വിവേചനങ്ങള് അവസാനിപ്പിക്കാന് സംസ്ഥാന ഭരണകൂടം ക്രിയാത്മകമായി ഒന്നും ചെയ്യുന്നില്ല. അതിനിടെ, കേന്ദ്രം അനുവദിച്ച അലീഗഢ് സെന്ററിന്റെ കാര്യത്തിലും കടുത്ത അലംഭാവം പുലര്ത്തുകയാണ്. മലപ്പുറത്ത് പാണക്കാട്ടെ നിര്ദിഷ്ട ഭൂമി എളുപ്പത്തില് കൈമാറാന് സാധിക്കുമെന്നിരിക്കെ അതൊഴിവാക്കി ഒട്ടേറെ നിയമ-സാങ്കേതികപ്രശ്നങ്ങളുള്ള പെരിന്തല്മണ്ണ ചേലാമലയിലെ ഭൂമി ഏറ്റെടുത്ത് കൈമാറുമെന്നാണ് സര്ക്കാര് പറയുന്നത്. എന്നാല്, അതിനുവേണ്ടി ഭൂമി അക്വയര് ചെയ്യുന്നതടക്കമുള്ള ഫലപ്രദമായ നടപടികള് ഒന്നുമായിട്ടില്ല. സ്ഥലമുടമകള് കോടതിയെ സമീപിക്കാന് തീരുമാനിച്ചതോടെ നിയമക്കുരുക്കുകളില് പെട്ട് സ്ഥലമെടുപ്പ് അനന്തമായി നീളാനാണ് സാധ്യത. സര്ക്കാറിന്റെ ഈ സമീപനം സെന്റര് നഷ്ടപ്പെടുന്നതിലായിരിക്കും കലാശിക്കുക. അലീഗഢ് യൂനിവേഴ്സിറ്റി സെന്റര് യാഥാര്ഥ്യമാക്കുന്നതിന് പ്രായോഗിക നടപടികള് അതിവേഗം പൂര്ത്തീകരിക്കാന് സര്ക്കാര് മുന്നോട്ട്വരണം. സംസ്ഥാനഭരണകൂടം നിഷേധാത്മക സമീപനം തുടര്ന്നാല് സമാനമനസ്കരുമായി ചേര്ന്ന് സമരപരിപാടികള് സംഘടിപ്പിക്കുമെന്ന് സെക്രട്ടേറിയറ്റ് മുന്നറിയിപ്പ് നല്കി. അമീര് ടി. ആരിഫലി അധ്യക്ഷത വഹിച്ചു. |
||
Visit: PROSPECTUS