 |
ഫത്വ |
|
 |
ഉത്തരം നല്കുന്നത്: ഡോ. യൂസുഫുല് ഖറദാവി |
|
വ്യഭിചാരവും പശ്ചാത്താപവും ഒരാള് ഒരു സ്ത്രീയുമായി വ്യഭിചാരത്തിലേര്പ്പെട്ടു ജീവിച്ചുപോന്നു. പിന്നീടയാള് അവളെ വിവാഹം ചെയ്ത് ധാര്മിക ജീവിതം നയിക്കാനാഗ്രഹിക്കുന്നു. എന്നാല് ചിലര് പറയുന്നത് അവളുമായി കുറച്ചുകാലം വേര്പെട്ടു കഴിയണമെന്നും ഇദ്ദയുടെ കാലം കഴിഞ്ഞാല് അയാള്ക്കവളെ വിവാഹം കഴിക്കാമെന്നുമാണ്. ഈ വിഷയത്തില് ശരീഅത്തിന്റെ വിധി എന്താണ്? സ്ത്രീ അയാളില് നിന്ന് ഗര്ഭം ധരിച്ചിട്ടുണ്െടങ്കില് അതിന്റെ വിധിയെന്താണ്? വ്യഭിചാരിയും വ്യഭിചാരിണിയും അല്ലാഹുവിലേക്ക് പശ്ചാത്തപിച്ചു മടങ്ങുകയും ഹറാമില് നിന്ന് മോചിതരായി ഹലാലായ ജീവിതം നയിക്കാനാഗ്രഹിക്കുകയും ചെയ്താല് അവരുടെ വിവാഹം സാധുവാണ്. അതില് അഭിപ്രായവ്യത്യാസമില്ല. എന്നാല് വ്യഭിചാരം ചെയ്തവനില് നിന്ന് തന്നെയാണ് അവള് ഗര്ഭം ധരിച്ചതെങ്കില് അവളുടെ വിവാഹം സാധുവാണ്. ഹനഫികളും, അവളുടെ വിവാഹം അനുവദനീയമാണെന്ന് പറയുന്ന മറ്റുള്ളവരും ഇക്കാര്യത്തില് ഏകാഭിപ്രായക്കാരാണ്. അവരുടെ അഭിപ്രായത്തില് അവളുമായി ലൈംഗികബന്ധത്തില് ഏര്പ്പെടാം. കാരണം അവനില് നിന്നാണ് അവള് ഗര്ഭം ധരിച്ചത്. |
||
 |
||
|
